08.03.2018

Ağcabədi rayonunda 8 Mart Beynəlxalq Qadınlar Günü qeyd edildi

        Tədbirdə rayonun ictimai həyatında fəal olan qadınlar, o cümlədən, təhsil, səhiyyə, mədəniyyət, bələdiyyə sahəsində çalışan qadınlar və digər qonaqların iştirakı ilə 400 nəfər iştirak edib. Bayram tədbirində iştirak edən Ağcabədi Rayon İcra Hakimiyyətinin Başçısı cənab Şahin Məmmədov qadınları  bayram günü münasibətilə təbrik edib. O çıxışında qeyd edib ki, qadınlar cəmiyyətimizin istər ailə, istər sosial, istərsə də ictimai həyatında kişilərə yardımcı olan böyük qüvvədirlər. Qadınlar vətənə layiqli vətəndaş, vətənpərvər insan yetişdirən və onlara tərbiyə verən anadırlar. İstərdik ki, həyatlarının bütün günü onlar üçün bayram olsun. Çünki bütün qadınlar xüsusilə analar bütün bayramlara layiqdirlər. Sonda rayon rəhbəri başda Azərbaycan Respublikasının birinci xanımı Mehriban Əliyeva olmaqla, bütün Azərbaycan qadınlarını, o cümlədən, Ağcabədi qadınlarını, analarını 8 Mart – Beynəlxalq Qadınlar günü münasibətilə təbrik etmiş, onlara qadın xoşbəxtliyi, ailə səadəti və övlad sevinci və gələcək işlərində uğurlar arzulayıb. Daha sonra rayonun ictimai –siyasi həyatında fəal iştirak edən qadınlara Rayon İcra Hakimiyyəti Başçısının Fəxri fərmanı və qiymətli hədiyyələr təqdim edilib. 8 Mart – Beynəlxalq Qadınlar gününə həsr olunmuş bayram tədbiri Regional Mədəniyyət və Turizm idarəsinin  Ağcabədi rayon şöbəsinin tabeçiliyində olan Ü.Hacıbəyli adına Şəhər İncəsənət Məktəbinin və Şəhər Uşaq Musiqi Məktəbinin hazırladığı bayram konserti ilə davam edib.


Açar sözlər: